Plantun de Prouvènço

Pèr coumpara dos planto d'encò nostre

Ceratophyllum demersum & Brassica montana

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Caulet(-de mountagno)

Brassica montana

Brassicaceae Cruciferae

Nom en français : Chou des montagnes.

Descripcioun :
Lou caulet-de-mountagno trachis sus li paret et roucas de colo cauquiero. Li fueio sèmblon bèn à-n-aquelo dóu caulet cultiva en mai pichoto, emé de costo que sorton mens se regardas lou dessouto de la fueio.

Usanço :
Lou caulet-de-mountagno èi manjadis, proche dóu caulet cultiva (d'ùni lou meton dins la memo espèci). Ramenten pamens qu'es uno planto endemico e aparado au nostre.

Port : Erbo
Taio : Pancaro entresigna
Fueio : rouseto
Tipe bioulougico : Camefite
Cicle bioulougico : Planto renadivo

Gènre : Brassica
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printems Ivèr

Sòu : Ca
Autour basso e auto : Pancaro entresigna
Aparado : Vo
Remarco : Planto endemico

Liò : Paret - Roucaio - Colo
Estànci : Aupen à Subaupen
Couroulougi : Pancaro entresigna
Ref. sc. : Brassica montana Pourr., 1788 (= Brassica oleracea subsp. robertiana (J.Gay) Rouy & Foucaud, 1895 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Brassica montana

ges

Coumpara Courniflo emé uno autro planto

Coumpara Caulet(-de mountagno) emé uno autro planto